القصة ومافيها انو بلشت تصير عنا قصص بالبيت ومشان ابدأ قصتي لازم تعرفو انو انا وحدة متجوزة وعندي بنوتة صغيري وانا زوجي كنا عايشين عادي في مشاكل واحيانا في هدوء بس من طرفي كنت ما كتير بحبو او بحبو كاب لبنتي وكرفيق اكتر من انو حبيبي او زوجي، المهم بيوم من الايام وانا سهراني وزوجي كان عند رفقاتو وبنتي نايمي كاسة المي كانت حدي انفجرت لحالا وعبت الدنيا زجاج وصار الزجاج متل الرمل وفاتت ذرة صغيري بعيوني اتصلت بجوزي واجا بسرعة وساعدني بتنضيف البيت وعيوني.
تاني يوم لقيت البيت معبا دهان من علبة كانت بالمنور وتاني يوم الغبرة تبع المكنسة الكهربائة عبت البيت كلو واختنقت انا وبنتي وزوجي وهيييييك حتى ماعاد فيني وصرت خاف من كل شي وحكينا مع شيوخ وكلن قالولنا سورة البقرة نقرا ونرجع لربنا والحمد لله خفت القصص بس ما وقفت كنت ابكي كتير وارجع لربي وعطول ساجدة وراكعة حتى اجا يوم وقالتلي رفيقتي انو في شيخة عانت من هالقصص وعندا خبرة وفورا وبدون تاخير رحت لعندا عالبيت وشكيتلا همي وقبل ما قلا شي عن خصوصياتي قالتلي انت قبل القصص ظلمتي زوجك بقصص كتير…. انا هون تفاجئت لانو هالقصة مع زوجي ماحدا بيعرفا غيري انا وهوي حتى اهلي ورفقاتي ما بيعرفو شي ابدا…. قلتلا اي صح قالتلي اذا حابة تخلصي عالاخر من هالقصص لازم تصلحي خطأك قلتلا والله صلحتو وانا وزوجي متل السمنة عالعسل قالتلي زوجك سامحك بس يمكن رب العالمين ما سامحك لازم ترضي زوجك وبس ومارضيت تقلي لا كيف ارضيه ولا شي وشبه قلعتني من بيتا، طلعت من عندا مخنوقة وزعلاني ورجعت عالبيت وحكيت لزوجي انو يسامحني عالشي يلي صار وحلفلي عالقرآن انو مسامحني بس هالقصص ما خلصت فقررت انو اتطلق منو منشان ريحو اذا ما مرتاح وريح حالي وبعد نقاشات طويلي مع زوجي قبل يطلقني وطلقني وراح سكن عند اهلو وتركني بالبيت مع بنتي وهون كانت المصيبة كانت القصص تراب ودهان صارت القصص خيالات ناس بالبيت وطبعت ايد عالمراي وقصص بتشيب وابن خالي اجا فورا اتصل فيني وطلبني للزواج والف شب كان بيتمناني لاني حلوة وصغيري بالعمر بس انا ما كان بدي غير انو زوجي يرجعلي.
رحت حملت حالي وركيد عند هالشيخة وماقبل اطلع من بيتا لحتى تعطيني الحل قامت صارت تسالني عن حياتي مع زوجي وانا متلي متل كتير نسوان مابحب قصص الجنس والدلال مع زوجي مع انو اخدتو عن حب بس سبحان الله ما بحب هالقصص وقالتلي لازم صير نام معو كل يوم حتى لو هوي مابدو ولازم انا دلعو وعطول انا يلي اقترح عليه انو ينام معي، طلعت من عندا مخنوقة اكتر من المرة الماضي وصرت حس حالي محبوسي بشي اسمو زوجي وبلشت اعمل بالضبط شو حكت معي وعينكن ما تشوف شو صار معي اول شي كانت عنا ازمة مالية فرجت وصار الرزق ييجي من كل مكان وصار جو البيت كتير حلو وزوجي كان يحبني قبل صار يعشقني وكنت ابكي اول شي انو عم بعمل شي انا مابحبو ومجبرة عليه بس بعدين صرت عنجد انا بدي هيك وكل ما اقرا بالقرآن حبي وعشقي يزيد لزوجي وماعاد صار معي شي ابدا وصرت حس انو رب العالمين راضي عني وشعوري حاليا ما بينوصف فحبيت اكبلكن هالقصة تبعي واقلكم انو رب العالمين في عندو شي اسمو الحق العام.